A hermana Candelaria ha veyito a
luz adrento dó mes en que se celebra a fiesta d´a Candelera. Cuan plegaba ista ,
a os ninos ,nos feba ilusión de recibir una candeleta (una pequeña vela) n’a
ilesia d’o lugar, y dimpués de bendita le pretabanos fuego y aparixeba como un
echercito de lumbretas "lucecitas", parellano a o que formau por estrelas , alumbra as nueys
d´agosto. ¡Cuantas de vegatas las e güellau dende a galería d’o Coso Alto, uey
Colegio de Santa Ana!.
Añadida de zaga (detrás) d’atra,
¿cuántas de candeletas pasarban por as mans d’a chirmana Candelaria?. Pero a
parti d’as candeletas feitas de fer chustizia
d’as abellas, atrás lumbres tos os diyas dá suya vida, feban lumbretas que no
enluzernan pero que alumbran as almas. Cuan a Chustizia plegue ta o Mundo, a Caridá, de que yera
Hermana a difunta, estará precisa, y más mientres que recorremos a larga endrezera que nos
separa de dita Chustizia.
Yo no tenié conozenzia con era,
pero dende un diya que la bié y la sintié n’o vestibulo d’o Colegio, paré cuenta d’o suyo sentíu de
l’umor. Cuan as atrás chirmanas, por ixo d’o achiornamiento, mudón d’abitos,
era portaba ra viella toca d’a suya Comunidá. As atrás chirmanas, más chobenas, li fazieron en tono alegre una
alusión a ra suya ropa y era, gronxiándo-se, les dizié : “busatras séz chirmanas
de San Chuaquín, yo agún soi Chirmana de
Santa Ana”. Yo no podié menos qu’árregui-me, tornando a cara, pa que no
creyesen qu’en teneba poco de rispeto. L´abito
no fa a o monche; se pue estar güeno con abito u sin er, pero prexino a ra Chirmana
Candelaria n’o cielo con a suya toca.
San Chuaquín l’abrá perdonau y
s’arreguirá con Santa Ana y con a Chirmana Candelaria.
No hay comentarios:
Publicar un comentario